落鋪都ok吖!d人個個都好好架^^
不過又要再去識應,因為都幾多野要學!!!!

天氣好熱呀~~~~喺屋企都要開冷氣呀!

明天最後一日考試啦,不過要考三樣野呀....
後日開始落鋪喇,返銅鑼灣呀一一"
本身可以返旺角,點知銅鑼灣有三個人升職,所以唔夠人用呀.....
一日車錢貴咗18蚊,不過唔緊要啦!我都會比心機架^^

累死人啦......星期日放假訓成日都好累呀...
上個星期既考試好順利呀,而且成績仲好好^^
嚟緊呢兩個星期好緊張呀.完成埋d試就可以正式做野喇~

唉....公司既壓力好大呀!
好似我昨天要考試咁,我零晨4點幾醒咗,個腦第一時間就係諗緊考試要講d咩好,
但到考試時我太緊張,我識既野都做錯晒,之後成日都諗自己既過錯,
攪到今朝又係一早4點幾就醒,個腦又係考試d野......唉.....呢個試明明考完,但仲會諗住,可想而知d壓力有幾大呢~
嚟緊仲好似有7個試未考呀...都唔知我點算.......("^")....

咁又真係好抵喎!
返工咁辛苦,咪當獎勵吓自己囉^^
我昨晚放工都食飯,見到d化妝品專櫃,都買咗小小化妝品呀>.<

隻錶係喺專門店買,定係普通錶鋪買架?
又幾靚喎,原價幾$呀?

我今日放假呀!终於可以舒舒服服玩吓電腦喇~
所以都寫咗sp,內容就梗係MJ啦!
其實我都好中意佢架,佢跳舞好勁呀!我都有好多佢既CD同DVD,
所以唔洗好似D人咁,死咗先話中意,先話要去買佢既CD>.<

我而家上咗兩個星期堂.已經好吃力喇,好多野要記,因為公司要求我地個個落埸做野時就已經好pro,所以要求都好高呀!
不過都係嗰句啦!我會加油架喇^^

我終於有時間嚟睇你喇!我6月15日已經返工啦
都係做返纖體,周慧敏賣廣告嗰間呀!
公司好嚴格,大約頭個半月都係上堂,考試
我返咗1個星期多兩日,就已經死晒狗喇
日日都有兩份paper要考,放咗工晚晚溫書,個人真係一d精神都冇....
不過你放心啦!咁辛苦先搵到間公司,如果間公司唔係好差既,我一定會好努架!
仲有呀!我公司想開多間分店,佢地想請返自己公司d心既朋友,所以如果你有朋友想入我公司,你可以通知我架^^
*我遲d先嚟睇你啦*

我以前間公司冇咩所謂,跑唔到數最多下個月嚟過,而且壓力唔算大,要跑既數都唔算多,輕鬆好多!
但係而家我想見嗰間公司就唔同,分開3條line(美容.脫毛.減肥)
每次開會都有成二三百人,要一個一個當住咁多人面前對數,如果唔夠數,比人喺咁多人面前話,仲要話點解自己唔得,所以要點點點....
所以壓力會好大,而且我亦知道條數唔細(因為我都有幾個舊同事過咗去做,做到自己放棄辭職,幾個人得一個頂得住)
所以我真係想做返女仔就算喇,至少穩穩定定吖,唉...但係而家有冇機會去見都仲未知呀....

仲有呀....唔記得話你知,
我今日買咗AIR SUPPLY演唱會飛呀>.<

唉.....我本來諗住呢個星期見返份纖體...但點知..
等了又等...等....等....等......結果仲未有回音呀..........
因為我想見女仔,唔想跑數咁大壓力,怕自己做唔嚟,返得一兩個月就放棄,
但我而家收到風,間公仔唔想請女仔,只係想請跑數....所以仲等緊回覆呀....唉.....
希望越大失望越大

我多數都係上網搵架!原來e-mail都要有時間架!
我e-mail過好多次呀,試過得一間覆我咋
仲要返旺角冇底薪,如果搵到一個客就有一千蚊佣,一個月都冇一個客,就簡直係白做,
但我都有試過架,返咗一個星期,睇落唔對路,仲唔走咩!車$飯$都冇埋呀~
新聞仲話失業率又上升喇...
唉....香港感覺上好似好幸福咁,又冇天災,又冇恐怖份子亂殺人,不過就好多人爭飯食呢~

我而家咩都搵喇,纖體美容都照搵,
如果唔係出年都唔知搵到野做未呀,真係灰到爆...

之前天水圍馬會請人,我都有諗過...
但實不相瞞.我係一個數學白痴,我小學5年班既數開始就完全唔識架喇
簡單嚟講,分數開始我已經乜數都唔識,
如果我喺馬會做,都唔知會計錯幾多次數呀!
因為我都有朋友見過馬會,佢地見工時要計數架,所以收銀既工我都係唔好攪喇~

我昨天去見咗份助護,又失敗喇!.....嗚...嗚..嗚....
嗰個人話助護係文職,話我之前D工唔係文職,覺得我唔適合呀
仲要一分鐘打30個中文字呀.....真係非一般助護呀~!

你間公司又真係幾特別嗰喎,喺度打工仲搵埋另一半,
唔知你群得佢地多,第日會唔會搵到個呢~XDDDDDD
其實返工連埋感情,會好影響工作,佢地真係好得呀>.<

聽你咁講又係既,佢地做文員既,呢d都唔識又真係好唔掂囉
不過唔好理佢地啦,最緊要既係你做好自己^^

hehe......其實我都唔知outlook個calender同task係咩o黎同有咩用....
所以我真係冇咩機會可以做文職....
佢地咁多野都唔識都可以做文員,如果你公司請人,我去見都可能會請我,哈哈^^
咁你喺公司咪好叻囉>.<

做野係咁架喇!最近要都係做好自己本份.
我而家多數都係搵返纖體美容做,因為搵其他工,全部都冇音訊
如果我再搵其他行業,再過多半年都唔知搵唔搵到呀!

sorry呀~~~~~~我有足足一個月冇嚟喇!
係呢!你份工返成點呀?同事o唔ok呀?做唔做得嚟呀?
恭喜晒你先.你搵到野做.你亞媽應該係最開心嗰個.
如果份工都唔錯既,就比心機做喇,
你知啦!失業嗰段時間好慘架>.<